Channels

Channels

Channels ? Tv චෑනල්ද ? ඒවා නෙමෙයි. අද අපි කතා කරනවා Trend line යොදා ගනිමින්ම කරන්න පුළුවන් තවත් දෙයක් ගැන. මෙයත් අයිති වෙන්නේ Technical Analysis පැත්තටම තමයි. ඒ වගේම සරලයි.

කොහොමද අදින්නේ ?

ඔයාල මුලින් ඇදපු Trend line එක තියනවනේ. දැන් කරන්න තියෙන්නේ තවත් Trend line එකක් අපි මුලින් ඇදපු Trend line එකට  සමාන්තරව හා එම කෝණයෙන් යුතුවම ඇද ගන්න එක. ඊට පස්සේ අපි දෙවනියට ඇදපු Trend line එක අදාල candle bar තුල ඉහලම හෝ පහලම ස්ථානයට ගෙනියන්න ඕනේ. පැහැදිලි උනාද ? පහත රුපයේ නිල් රව්මෙන් දක්වල තියෙන්නේ candle bar එකේ ඉහලම ස්ථානය. ඒ වගේම පහත රුපය Up channel  එකකට උදාහරණයක් විදියට යොදා ගන්නත් පුළුවන්.

පහත තියෙන්නේ Down channel එකකට උදාහරණයක්.

දැන් ඔයාල බලයි අපි ඉහත සදහන් කලේ ("අපි දෙවනියට ඇදපු Trend line එක අදාල candle bar තුල ඉහලම හෝ පහලම ස්ථානයට ගෙනියන්න ඕනේ. පැහැදිලි උනාද ? ") විදියට වෙලා නැ නේද කියල.

හැබැයි කල්පනා කලොත් ඔයාලට තේරුම් යන්න ඕනේ දෙයක් තමයි ඔය තියන දම් පාට ඉරෙන් එහාට සිදුඋන සිදුවීම් අදාල කර ගෙන නැ කියල. එකට හේතුව තමයි අපි මේ කියන channel එක නිර්මාණය කර ගන්න කොට දම් පාට ඉරෙන් දකුණු පැත්තේ කියන්නේ අපේ අනාගත කාලය වෙන නිසා.

දැන් ඔයාලට වෙටහෙනවා නේද අපි නිර්මාණය කර ගනිපු channel එකේ සාර්ථකත්වය :)


වැදගත් කරුණු

01. මේ Channel නිර්මාණය කිරිමේදී අනිවාර්යෙන්ම ටේ trend line සමාන්තර විය යුතුයි.

02. සමාණයෙන් Down channel එකක්  buy එකක් නිරුපනය කරන අතර up එකක්
නිරුපනය කරන්නේ sell එකක්

03.Trend line  අදිනවා වගේම මේකත් market එකේ තියෙන විදියට මිසක් අපට ඕනේ විදියට එක එක පැති වලට ඇල ගහල එහෙම අදිනවා එහෙම නෙමෙයි.

Trend Line

Trend Line

අද අපි Technical Analysis පැත්තට අයිති වෙන දෙයක් ගැන තමයි කතා කරන්න හදන්නේ.  ඒ වගේම මේ සංකල්මය ඉතාම සරල දෙයක් වගේම නිවැරදිව බවිත කොලොත් වරදින්න තියෙන ඉඩ බොහොම අඩුයි.

කොහොමද මේ Trend line  එකක් නිවැරදිව අදින්නේ ?

සරලයි. ඔයාලගේ MT4 එකේ තියනවා option එක. එහෙම හොයාගන්න අමාරුනම් මේ විදයට යන්න
 Insert -> line -> Trend line

ඊට පස්සේ කරන්න තියෙන්නේ ඔයාලගේ chart  එකේ වඩාත්ම පහල හෝ ඉහල ගිය අගයන් දෙකක් තොර ගන්න එක (Two major tops or bottoms ). ඊට පස්සේ ඒ දෙක යා කර ගන්න.

ඊට පස්සේ....................... ඊට පස්සේ මුකුත් නැහැ.

පහත රුප සටහනේ අපි ඇදල තියනව රතු පාටින් Trend line එකක්. අපි දක්වල තියෙන්නේ  up Trend එකක රුප සටහනක්.

ඉතින් අපි මේ Trend line එක ඇදල බලාගෙන ඉන්නවා නැවතත් market එකේ අගය  මේ Trend line එකට ලගා වෙන තුරු, අවම වශයෙන් ආසන්නයට හෝ. ඉහත කහ රව්මෙන් දක්වල තියෙන්නේ ඉතාම ආසන්න අවස්ථාවක්. කොහොමහරි මේ කියන අවස්ථාවට ලගා උනාම අපට buy order එකකට යන්න පුළුවන්.

ප්‍රදාන වශයෙන් ගත්තම Trend line වර්ග 3 ක් තියෙනවා.

01. Uptrend ( higher lows)
02. Downtrend (lower highs)
03. Sideways Trend (Ranging)

පහත දක්වල තියෙන්නේ Down trend  එකක්. කහ පාටින් දක්වල තියෙන්නේ අපි තෝරා ගත්ත major tops දෙක. ඒ වගේම නිල් පාටින් දක්වල තියෙන්නේ අපි Trend එකට enter වෙන ස්ථානය. අමුතුවෙන් කියන්න ඕනේ නැනේ, අපි open කරන්නේ sell order එකක් කියල.

Trend line ඇදීමේදී සැලකිලිමත් විය යුතු කරුණු.


01. අනිවාර්යෙන්ම  Two major tops or bottoms තෝරා ගැනීමට සැලකිලිමත් වෙන්න. නමුත් අපේ සිද්දාන්තය නොබිදෙන විදියට Three major tops or bottoms තොර ගන්න පුළුවන් නම් නියමයි.

02. Forex News නිකුත් වෙන වෙලාවට මේ Trend lineඅදින්න යන්න හෝ Trade open කරන්න යන්න එපා.

03.වඩාත් තියුණු බැයූම් හෝ නැගීම් සහිතව අදින්න යන්න එපා. බොහෝ විට සාර්ථක වෙන්න තියන ඉඩ අඩුයි.

04.වඩාත්ම වැදගත් එක. කිසිම වෙලාවකවත් ඔයාලට ඕනේ විදියට, ඒ කියන්නේ market බලෙන් ගලපන්න යන්න එපා. ඒ විදියට Trend line අදින්න එපා. ඇත්තටම ගැලපෙනවානම් විතරක්ම කරන්න.

Support & Resistance level-2

SUPPORT & RESISTANCE LEVEL

එහෙනම් අපි දෙවෙනි කොටසට යමු.

කොහොමද මේ Support & Resistance level හදුනා ගන්නේ. වඩාත් නිවැරදිව කියනවනම් කොහොමද අපි හදුනා ගන්නේ මේ යන Resistance එක හෝ support level  එක කැඩෙන එහෙම නැත්නම් මාරු වෙන වෙලාව. ඇත්තටම අපට වැදගත් වෙන්නේ මෙන්න මේ අගය තමයි. හේතුව අපි මේ අගය, අගයක් කියන්න අමාරුයි කියල අපි ගිය ලිපියේ කිවනේ, මේ කලාපය හරියට අපි හදුනා ගත්තොත් අපිට හොද profit එකක් ලබා ගන්න අමාරු නැහැ.

හැබැයි මේ support & resis broken වෙන අවස්ථාව හදුනා ගන්න නිවැරදිම ක්‍රමයක් නැහැ. අපිට අනුමානයක් විතරයි කරන්න පුළුවන්.

 එක විදියක් තමයි අපි පෙර කතා කරපු pivot point  එක බාවිතා කරලා. හැබැයි ඒක නිවැරදිම ක්‍රමය නෙමෙයි. තව ක්‍රමයක් තියෙනවා. පහත රුපය බලන්න.

මෙහි නිල් පාටින් දක්වල තියෙන support  level එකේ දල අගය 1.2290 විතර වෙනවා. එහෙම උනත් මේ support level එකත් ඉක්මවා ගිහින් මෙහි අඩුම අගය වෙන 1.1985 ලග වෙලා තියෙනවා කියල ඔයාලට පෙනෙනවද ?  මේ අවස්ථාවේදී කව්රුහරි sell  orders එහෙම open  කරොත්..............

 එහෙම හදිසි උනොත් ඉතින් අද වෙන තුරුත් එම අගයට ලගා වෙලා නැ නේද ?  බලන්න ඊලග මාසය දිහා, නිල් ඊතලයෙන් දක්වල තියෙන. ඊලග මාසය ආරම්භ වෙලා තියෙන්න අපි ලකුණු කරපු support level එක ලගින් නේද ? එහෙනම් අපට හොද ඉගියක් ගන්න පුළුවන් මේක broken level එක කියල. 

එහෙනම් ඉතින් කරන්න ඕනේ දේ අමුතුවෙන් කියන්න ඕනේ නැනේ. 

Support & Resistance level

                               Support & Resistance level

ඔන්න අපි පසුගිය ලිපියේ කිව විදියට Support & Resistance level ගැන කතා කරන්න හදන්නේ.

පහත තියෙන්නේ මේ ලිපිය ලියන කොට ගත්ත Eur/Usd screen shot  එකක්. එක බලල ඉන්න.

ඔයාලට මේක බැලුවම කියන්න පුළුවන් මොකක්ද ? යම්කිසි ඒකාකාර රටාවක් හදුනා ගන්න පුළුවන් ද ? නගිනවා බහිනවා වගේ. හරියට කියනවනම් අපි කදු නගින්නේ බහින්නේ මෙහෙම නේද ?

මේ රටාව හදුනා ගන්න පහසු වෙන්න මම ඊලග රුපය සකස් කරලා තියෙනවා. එකත් බලලම ඉන්න.

ඒ රුපයේ රතු පාටින් දක්වල තියෙන්නේ ඔය කියන නැගිම් හා බැසිම් නිල් පාටින් තියෙන්න මේ රටාව Down trend එකක් වෙනවා කියන එක. ඒ කියන්නේ අපි බැහැල තියෙන්නේ පැල්ලමක්. පැහැදිලි නේද ?

ඊළගට තියෙන රුපයේ කහ පාටින් ලකුණු කරලා තියෙන තැන් වලට අවදානය දීල බලන්න.

මෙන්න මේ ලකුණු කරලා තියෙන අවට තමයි  Support & Resistance level කියල කියන්නේ.

දැන් පැහැදිලි වුනා නේද ? ඔයාල ඉහත රුපය හොදින් බැලුවනම් දෙයක් වැටහෙන්න ඕනේ. බලන්න මේ කහ ඉරි වලින් ලකුණු කරලා තියෙන ප්‍රදේශ දිහා. එක යම්කිසි level එකක් වගේ නේද පෙන්නේ. එහෙම නැත්නම් යම්කිසි අගයක් හරියටම කියන්න බැ නේද ?

වමේ ඉදන් දෙවෙනි කහ ඉරට අවදානය යොමු කලොත් එහි සාමාන්‍ය අගය 1.2730 වගේ වෙනවා. නමුත් ඒ ප්‍රමාණය ඉක්මවා ගිහින් අවමම අගය වෙන 1.2370 දක්වාත් මෙය ලගා වෙලා තියෙනවා.

එහෙමනම් මතක තිය ගන්න මේ Support & Resistance level වලට නියමිත හා නිවැරදි අගයක් දෙන්න  බැ කියල.

තව දෙයක් ඔයාල ඉහත අගයන් දෙක හොදින් බැලුවනම් පෙනෙන්න ඕනේpips 400 ක වෙනසක්. එතකොට අපි මේ  Support & Resistance level , Trade  වලට යොදා ගත්තොත් අපේ Account  වලට බුදු සරණයි නේද  ? ::)) එහෙම වෙන්නේ නැ හොදද ?

 ඉහත දක්වල තියෙන සියලු රුප අපි අරන් තියෙන්න MN  Chart එකෙන්. ඒ කියන්නේ එක candle එකක් සම්පුර්ණ මාසයක් නියෝජනය කරනවා. තව දුරටත් පැහැදිලි කරනවානම් ඔයාල ඉහත දැක්කේ වර්ෂ 2006 ඉදන් මේ දක්වා EUR/USD Chart එක.

ඒ කියන්නේ අනිත් Time frame වලට මේ කියන  Support & Resistance level වලංගු වෙන්නේ නැද්ද ? මතක තිය ගන්න මේ කියන සිද්දිය සියලුම Time frame වලට වලංගුයි. ඔයාල MT4 එක open  කරලා බලන්න බොරුද කියල. හැබැයි තව දෙයක් මේක යොදා ගන්නවානම් මම නම් යෝජනා කරන්නේ H4 එකෙන් එහාටවත් බවිත කරන්න කියල.

තව දෙයක් ඔයාල කාට හරි ප්‍රශ්නයක් ආවද ඇයි මේ කියනSupport & Resistance level එක අපි ලකුණු කල සිමාවෙන්  එහා මෙහා වෙලා තියෙනේ කියල. එකට සරලම පිළිතුර තමයි මේ chart එකට අවශ්‍ය candle stick pattern එක හදා ගන්න. ඒ පාර තව ප්‍රශ්නයක් මොකක් ද මේ Candle stick pattern කියන්නේ කියල නේ. එක සම්පුර්ණයෙන්ම කියා දෙන්න නම් තව ලිපි 60 ක් වත් ලියන්න වෙයි. candle pattern වලට විතරක්. සනීපයි නේද ?

මේ ලිපිය ඉවර නේ. අදට ඇති වගේ නේද. ඊලග ලිපියෙන් ඉතුරු ටික..........

What is pivot point ? - 2

What is pivot point ? - 2

පුරා මාස 5 ක විතර කෙටි :) විරාමයකින් පස්සේ තමයි මේ ලිපිය ඉදිරිපත් කරන්නේ. මෙය කියවන්න පෙර අනිවාර්යෙන්ම පෙර ලිපිය කියවල එන්න.

පෙර ලිපියේ අපි ගණනය කලේ pivot point එක හොයන එක විතරයි නේද ? ඇත්තටම එක තමයි ආරම්බය. අද අපි

First Support Level

First Resistance Level

Second Support Level

Second resistance level

Third support level

Third resistance level

හොයන්න ගණනය කරන්න උත්සහ කරමු. මට මතක විදියටනම් මේ support and resistance level ගැන අපි තාම කතා කරල නැහැ. ඒ ගැන අනිවාර්යෙන්ම ඊලග ලිපියෙන් කතා කරනවා. හොදයි අපි පටන් ගමු.

ඉහත දක්වල තියෙන සටහන බලන්න.

ඔයාල දැනටමත් Pivot point  එක හොයන්න දන්නවා. ඒ අනුව pp එක වෙන්නේ 

2014. 10.16  දින pp  එක  = 1.2776

දැන් අපි First Resistance level  එක හොයමු. කොහොමද ?

First Resistance (R1) =  (2 * pp ) - low  ඒ කියන්නේ

                       = (  2 * 1.2776 ) - 1.2624

                        = 1.2928

පැහැදිලි නේද ? දැන් First supportive level  හොයමු.

First support (S1)=  (2 * pp ) - high

                         =  1.2666

දැන් අපි second level support & resistance level හොයමු.

second resistance (R2) = PP + ( High - Low)  ඒ කියන්නේ

                                     = 1.2776 + ( 1.2886 - 1.2624 )

                                   = 1.3038 

ඒ වගේම 

second support (S2)  =  PP -  ( High - Low) 

                                 =  1.2514

දැන් අපි අවසාන එක වගෙම Third level support & resistance level හොයමු.

Third resistance (R3) = High + 2( PP - Low ) කියන්නේ

                                  = 1.2886 + 2( 1.2776 - 1.2624 )

                                 = 1.3190

Third support (S3)  =  Low - 2( High - PP )

                               =  1.2624 - 2(1.2886 - 1.2776 )

                               =  1.2404

ඔන්න අපි මොනවා හරි ගණන් ටිකක් හැදුව නේද ? අමාරු වුනාද ? මේවා ස්වයංක්‍රීයව  කරලා දෙන පොඩි පොඩි tool තියෙනවා. හැබැයි මේ ටික තමන්ගේ ඔලුවට අවබෝද කර ගන්න අමාරු නම් Forex ඇත ඇරලා දාන එක තමයි වඩා හොද.

අපි ඉහත ලබා ගත ගණනය කිරීම් යොදා ගන්නේ කොහොමද කියල ඊලග ලිපියෙන් ඔයාලව දැනුවත් කරන්න බලාපොරොත්තු වෙනවා.

ප්‍රශ්න තියෙනවනම් comments කරන්න. පිළිතුරු sure ........