කාලය යනු මුදල්ය

Lesson – 21

21-  කාලය යනු මුදල්ය  

පසුගිය පාඩමෙන් අපි Traders Type ගැන කථා කළා. ඒ වගේම ඊළඟ පාඩමෙන් Traders Types විස්තරාත්මකව කථා කරන්න බලාපොරොත්තු වෙනවා කියලත් කිව්ව. එත් ඊට පෙර මේ ලිපිය පළ කළොත් හොඳයි කියලා හිතුනා. මොක්කද ඉහත මාතෘකාවෙන් අදහස් වෙන්නේ?

මේ ක්ෂේත්‍රයට එන නවකයන් හුඟ දෙනෙක් හිතන දෙයක් තමයි ඔවුන්ට ඉතා ඉක්මනින් ලාභ උපයන්න පුළුවන් කියලා හිතන එක. සමහර විට ඉතා කෙටි කාලයකදි ඉතා කුඩා ප්‍රමාණවලින් ඔබට මුදල් උපයන්න පුළුවන් වෙයි. නමුත් සමස්ථයක් ලෙස ඔබ ලාභ ලබනවා කියන එක එයින් අදහස් වෙන්නේ නෑ.

හොඳට මතක තියා ගන්න ක්ෂේත්‍රයේ ප්‍රවීනයෙක් වුනත් සමහර වෙලාවට පාඩු ලබනවා. ඒ වගේම සමහර නවකයන් හිනනවා ඔවුන් දැන් මේ ක්‍රමේ ගැන හොඳටම දන්නවා මට මිලියනර් කෙනෙක් වෙන්න පුළුවන් කියලා. නමුත් ඔයා ලාභ ලබන කාලය ඉතා ඉක්මනින්ම අවසන් වෙන්න පුළුවන් අන්න එතකොට තමයි තේරුම් යන්නේ මේක හිතන තරම් ලේසි දෙයක් නෙමෙයි කියලා.

එතකොට ඊළඟට කරන්න ඕනෙ දේ ගැන පැහැදිලි වැටහීමක් නැතුව වැඩේ සම්පුර්ණයෙන්ම අනා ගන්නවා. ඉතින් මේ ටික ඔයාලට කර ගන්න ඕනේ නෑ නේද? එහෙනම් අපි මොකක්ද කරන්න ඕනේ?

පළමු‍වෙන්ම ඉගෙනීම සඳහා ප්‍රමාණවත් කාලයක් ආයෝජනය කරන්න සුදානම් වෙන්න.

ඔයාම තීරණය කරන්න මේ සඳහා දවසකට කොපමණ ‍කාලයක් යොදවන්න පුළුවන් ද කියලා. Forex Charts, Forex News කියවන්න. Market එක Study  කරන්න යම් යම් අලුත් දේවල් ‍ඉගෙන ගන්න මේ කාලය යොදා ගන්න. ඔයා  Job එකක් කරනවානම් මේක Full Time කරන්න බැරි වෙන්න පුළුවන්.

නමුත් එකෙන් අදහස් වෙන්නේ නෑ ඔයාලට Forex කරන්න බැ කියන එක. Forex Traders Type ගැන ඉදිරි ලිපි වලින් කථා කරන්න බලාපොරොත්තු වෙනවා. එතකොට ඔයාලට තිරණය කරන්න පුළුවන් මොන Type එකද ගැලපෙන්නේ කියලා.

මතක තියා ගන්න අපිට හැම Trade එකකින්ම ඉගෙන ගන්න දෙයක් තියෙනවා. ඒ වගේම කවදාවත් ඉගෙන ගන්න එක නවත්වන්න එපා. එහෙම කළොත් ඔයා Lost  වෙනවා. ඉතින් මේ සඳහා ඔයාගෙ වටිනා මුදල් ආයෝජනය කරනවා වගේම ඔයාගේ කාලයත් ආයෝජනය කරන්න. 

Trader Types

Lesson – 20

20- Trader Types

පසුගිය පාඩමේදී අපි Trading Session ගැන කෙටි හැඳින්වීමක් කළා මතක ඇති. අද කථා කරන්න යන්නේ Traders Type ගැන. මොකක්ද මේ? ඔයා  Forex Market එකේ  Trade කරනවානම් ඔයත්  Trader කෙනෙක්. ඒ වගේම අපි පහත කථා කරන්න යන වර්ග එකකට හෝ කිහිපයකට ඔයාව අයිති වෙනවා.

මේ ලෝකෙ ජනගහනය කොච්චරද? මට නම් හරියටම මතක නෑ. කොහොම වුනත් කිසිම කෙනෙක්  තවත් කෙනෙකුට 100% සමාන වෙන්නෙ නෑ කියලා දන්නවනේ. ඔවුන්ගේ කැමැත්ත, රසභාවයන්, කලාත්මක හැගිම්, ප්‍රකාශන මෙකි නොකි හැමදෙයකින්ම ඔවුන් වෙනස්. ඒ වගේම තමයි Trader කෙනෙක් තවත් Trader කෙනෙකුට 100% කින් සමාන වෙන්නේ නෑ. එක Trader කෙනෙක් ලොකු ලාභයක් අපේක්ෂාවෙන් මාස ගානක් බලන් ඉන්න කොට තවත් Trader කෙනෙක් ඉතා කෙටි ලාභ විශාල ගණනක් කෙටි කාලයක් තුල බලාපොරොත්තු වෙන්න පුළුවන්.

එතකොට අපට මතුවෙන ගැටළුව තමයි මොක්කද හොඳම විදිය? හොඳම‍ Trading Type මොකක්ද? ඇත්තටම මේ ප්‍රශ්නයට දෙන්න පුළුවන් හොඳම පිළිතුර තමයි තමන්ට ගැලපෙන Trading Type එක තමයි හොඳම එක කියලා. ඒක ඉතින් තමන්ම තමයි තීරණය කර ගන්න ඕන. ඉදිරි ලිපි කිහිපය ඒ සඳහා උදව් කර ගන්න ඔයාලට පුළුවන්. එහෙම නැතුව වෙන කාටවත් ඔයාගේ Trading Type එක තිරණය කරන්න බැහැ. මතක තියා ගන්න සෑම Trader කෙනෙකුටම අන්‍ය වූ ස්වාධින Trading Actions පවතින බව.

සාමාන්‍යයෙන් Traders ‍ලා ප්‍රධාන වශයෙන් කොටස් 4 කට බෙදෙනවා. ඔයා මේ එක වර්ගයකට හෝ කිහිපයකට අයිති වෙන්න පුළුවන්.

01.Scalper Traders

02.Day Traders

03.Swing Traders

04.Position Traders

මේ වර්ග ගැන සවිස්තරාත්මකව ඉදිරි ලිපි වලින් කථා කරමු.

Trading Sessions

Lesson – 19

19- Trading Sessions

පළමුවෙන්ම ඔයාලා සියලු දෙනාටම සුභ අලුත් අවුරුද්දක් වේවා කියලා ප්‍රාර්ථනා කරනවා.

පසුගිය පාඩම් දෙක ඔස්සේ අපි Money Management ගැන කථා කළා. අද අපි කථා කරන්න යන්නේ Trading session ගැන. නමුත් Money Management පාඩම් තව ඉදිරියටත් තියෙනවා.

මොකක්ද මේ Trading Session කියලා කියන්නේ. එකෙන් අපිට තියෙන වාසිය මොකක්ද? ඇයි අපි ඒ ගැන දැන ගන්න ඕනේ?

Trading Session එකක් කියලා කියන්නේ, වෙළඳ සැසියකට හෙවත් වාරයකට. ඔයාල දැනටමත් දන්නවා Forex Market එක දවසේ 24 පැය පුරා දවස් පහේම ක්‍රියාත්මක වෙනවා කියලා. එහෙම ක්‍රියාත්මක වුනත් දවසේ සියලුම වෙලා වලදි Forex Market එකේ ඒකාකාරි ගලා යාමක් නෑ. ඒ කියන්නේ ඔයාල MT4 එක විවෘත කරගෙන බලන්න අපි තෝර ගෙන තියෙන  Time Frame එක (උදා.M30) සමහර වෙලාවල් වලදි  Chart එකේ අගය වෙනස් වෙලා තියෙන්නේ  Pips සුළු ප්‍රමාණයක් විතරයි.

ඒත් සමහර අවස්ථාවලදි Chart ‍එකේ අගය ඉතා විශාල ප්‍රමාණයකින් වෙනස් වෙලා තියෙනවා. පහත රූපය බලන්න.

මෙහෙම වෙන්න හේතුව පිළිබඳව ඔයාල හිතුවද? මෙන්න මේ දේ සිදුවෙන්නේ Trading Sessions එකක් නිසා.

ඒ කියන්නේ වැඩිම ඉල්ලුමත් තියෙන වෙලාවට තමයි Forex Market එකේ මේ සිඝ්‍ර ලෙස අගයන් ඉහල පහල යන්නේ. මේ Trading Sessions ප්‍රධාන වශයෙන් Sessions 4 කට බෙදන්න පුළුවන්. Sydney Session, Tokyo Session, London Session, New York Session කරන වෙලාවන් පහත දක්වල තියෙනවා.

මෙන්න මේ Session වලදි Currency Pair වල සිදුවන Pips වෙනස පහත සටහනින් බලා ගන්න පුළුවන්.

අපි Trade  කරන EUR/USD වල වැඩිම ඉහල පහල යාමක් සිදු‍වන්නේ London Session එකේ කියලා පැහැදිලි නේද? ඊළඟට New York Session එකේ.

එහෙනම් අපි මේ Session Time යොදා ගෙන Trade කිරිම මගින් අපට සාර්ථක වෙන්න පුළුවන් කියලා අවබෝධ වෙනවා නේද?

හැබැයි තව එකක් මේ Trading Session ගැන නොබලා වුනන් Trading කරන කොටසක් ඉන්නවා. ඒ පිළිබඳව විස්තරාත්මකව Traders Type  යටතේ කථා කරන්න බලාපොරෝත්තු වෙනවා.මේ පිළිබඳ අවබෝධ වෙන්න ඇතැයි කියලා හිතනවා.

අපැහැදිලි තැනක් තියෙනවා නම් අහන්න.

මුදල් කළමනාකරණය - 02

Lesson – 18

18-  Money Management – 02

Balance, Equity, Margin, Free Margin, Margin Level මොනවද මේ ? MT4 එකේ පහල Terminal Window දිහා බැලුවොත් මේ ටික පෙනෙවි. Trade Tab එක අන්න එකේ තමයි ඉහත දේවල් තියෙන්නේ. එකින් එක අරන් බලමු.

Balance:- කියලා කියන්නේ අපේ Trading Account එකේ තියෙන මුළු එකතුවට. මතක තියා ගන්න ඕන දෙයක් තමයි මේ Balance එකට අපි දැනට Open කරන්න ඉන්න Trades වල ලාභ අලාභ ඇතුළු වෙලා නැහැ කියලා.

Equity:-  කියලා කියන්නේ දැනට අපි Open කරලා තියෙන Trades වල ලාභ අලාභ ඇතුලත්ව අපේ Account එකේ  Balance එක. මේක නිතරම වෙනස් වෙනවා. හේතුව අපි Open කරලා තියෙන Trades වල ලාභ අලාභයන් මේකට ඇතුළු වන නිසා.

Margin :- ඔයාලට මතකද පෙර ලිපියක Margin හා Leverage  ගැන කථා කළා. Margin එක ගැන පහසුවෙන් ඉගෙන ගන්න නම් දැනට ඔයාල Open කරල තියෙන Trade ඔක්කොම Close කරල අලුතින් එක Trade එකක් විතරක් Open කර ගන්න. දැන් අපි පහත දත්ත උපයෝගි කර ගෙන Margin එක ගණනය කරමු. ඔයාල ඔයාලට අදාල දත්ත යොදා ගෙන ගණනය කරන්න.

Buy Order Price එක = 1.2390

Currency Lot 0.1 ක්

වැය වන $ ප්‍රමාණය ගණනය කරමු.

                          Lot 1 කට                  =  1.2390 x 100000

                                                       $         =  123900

                                   Lot 0.1 කට $        =    12390.00

    Leverage එක 200:1 නිසා

                                                                 =  12390.00 /200

                                                    $          =  61.95

ඔයාලත් ඔයාලගේ Account එකේ දත්ත භාවිතා කරල ගණනය කරලා බලන්න. දැන් බලන්න ලැබෙන පිළිතුර MT4 එකේ දක්වල තියෙන Margin එකට සමාන ද කියලා. බොහෝ විට නැතුව ඇති. ඇයි ඒ. කොහේ දි ද අපට වැරදුනේ. අපට වැරදුනේ නෑ. අපට ලැබුණු පිළිතුරට වඩා අඩු අගයන් යොදා පිළිතුරක් ලැබුනේ අපේ Leverageඑක Broker විසින් වැඩි කරල දිපු නිසා. එතකොට අපට වාසියි. එතකොට 200:1 කියන Leverage එක තමයි අපේ අවම Leverage එක.

ඔක්කොම හරි එත් මොකක්ද මේ Margin? Margin කියලා හඳුන්වන්නේ අපි Trade එකක් Open කරන කොට Broker Company එක විසින් යම් මුදලක් අපේ ගිනුමෙන් අඩු කර ගන්නවා. ඒ අඩු කර ගත් මුදල නැවත අපේ ගිනුමට ලැබෙනවා, අපි Trade එක Close කරාම. ඔන්න ඔය මුදල තමයි Margin කියලා හඳුන්වන්නේ. පැහැදිලි නේද?

Free Margin :- කියන්නේ Equity – Margin = Free Margin . මේ Free Margin එක දිහා බලල තව Trade Open කරන්න පුළුවන් ද බැරි ද කියලා අදහසක් ගන්න පුළුවන්.

Margin Level: - මෙහි පෙන්වන්නේ ප්‍රතිශතයක් විදියට ගණන‍ය කරන්නේ. Margin Level = Equity / Margin x 100, තව විදියකින් කියනවා නම් Free Margin එක ප්‍රතිශතයක් විදියට පෙන්වන එක තමයි කරන්නේ. මෙතන පොඩි දෙයක් තියෙනවා. MT4 එකේදි Margin Level එක ගණනය කරන්නේ වෙනත් ක්‍රමයකට.

Margin Level = Equity / (12390/200) x 100

මෙතන 12390 වෙන්නේ අපේ 0.1 Lot ගන්න යන $ ප්‍රමාණය.

200 වෙන්නේ අපේ Leverage එක.

මේ විදියට ගණනය කරල බලන්න. හරියටම පිළිතුර ලබා ගන්න පුළුවන්.මෙන්න මේ Margin Level එක හුඟක් වැදගත්.

අපි ප්‍රායෝගික උදාහරණයක් බලමු. කවුරු හරි $ 1000 ක් යොදවලා Account එකක් පටන් ගන්නයි. ඊට පස්සේ එය Lot 0.1 ක  Buy Trade එක Open කරනවා. මෙන්න මේ Buy Trade එක Open කරාට පස්සේ මේ Trade එක නරක අතට හැරිලා Open කළ Rate එක 1.4010 නම් දැන් 1.3900, 1.3801, 1.3680 ආදි ලෙස අඩු වෙනවා. මේ අඩු වීමත් එක්කම මේ Margin Level එකත් අඩු වෙනවා.

තව දෙයක්, කිසිම දවසක Forex Trading වල අපි යොදවපු මුදලට වඩා අපට නැති වෙන්නේ නෑ. ඒ කියන්නේ අපි යෙදෙව්වේ $ 1000 ක් නම් අපේ උපරිම Loss  එක වෙන්න පුළුවන් $ 1000 ක් විතරයි.

අපි යොදවන මුදලට වැඩි මුදලක් අපට Loss වෙන්නේ නැත්තේ අපේ මුදල් Loss වීමක් සමඟම Forex Broker Company  එක අපේ Trades ස්වයංක්‍රියව Close කරනවා. සාමාන්‍යයෙන් Margin Level එක 50 % දි විතර අපේ Trade Close වෙන්න ආසන්නයි කියලා Warning Message  එකක් එනවා. 

MT4 එක මගින් මෙන්න මේ Warning Message එක අපි Margin Call කියලා හඳුන්වනවා. තවත් ඉදිරියට අපේ Trades Loss වේගෙන යනවා නම් Margin Level එක 20% විතර අපේ Trade Close වෙන්න පටන් ගන්නවා. 20% සිමාව Stop Out Level කියලා හඳුන්වනවා. 

මේ සඳහන් කරුණු 20%, 50%  කියන සිමාවන් Forex Broker Company  එක අනුව වෙනස් වෙනවා. ඒ වගේම Margin Call Level එක හා Stop Out Level කියන ඒවා එකම level එකක වෙන්නත් පුළුවන්. Trade Close වෙන කොට ඉහලම පාඩුව තියෙන Trade එකේ ඉඳලා තමයි Close වෙන්නේ.

පහත රූප සටහන බැලුවාම වටහා ගන්න පහසු වෙයි.

ඉහත රූප සටහන හුදෙක්ම වටහා ගැනිමට පමණයි. ලබා දිල තියෙන සංඛ්‍යා නිවැරදි අගයන් නෙමෙයි.

දැන් ‍වැ‍ටහෙනව නේද? Margin Level එකේ තියෙන වැදගත්කම.

ඊටත් වඩා වැදගත් දේ තමයි Margin Call  එකක් නොඑන තැනට කටයුතු කරන එක.

අද කථා කරද්දි වැදගත්ම මාතෘකාවක් ගැන. අපැහැදිලි තැන් තියෙනවා නම් අහන්න. තේරුම් ගැනීම හුඟක් වැදගත්.